FEMMES

Bizitzak bizkar ematen badizu… ikutu iezaiozue ipurdia. Hitzok esan eta akabo, Reme hil egin zen. Orduztik, hiru besterik ez dira geratzen; hiru lagun, hiru atso, egunean eguneko hiru andre heroi. Harrezkeroztik, eta laguna izandakoa omendu nahiean, direna, izan nahi zutena eta sekula izan ez zirena erakutsi eta lau haizetara zabaltzen hasi dira. Esnatzeko garaia heldu da, erlojuak sinkronizatu eta ekintzarako sasoia. Iritsi da FEMMES unea.

FEMMESlaurogei urteko hiru atsoren aldarrikapen-kantua da, heriotzari adarretatik hartu eta bizitzari barre egiten diotenak; betiere, ironiaz eta umorez beterik baina, baita ere, adarra jotzeko gogo biziz. Emakume iraultzaileak dira baina gizatasunez jantziak, kalera atera eta protesta zoroen eta zentzugabeko metodo ergelen bitartez ikuslegoa zirikatzeko prest.

FEMMES kale-ikuskizun ibiltaria da, testurik gabea, eta kalean zein espazio publikoetan esku hartzeko pentsatua dago, publikoaren parte-hartze aktiboa bilatuz. Hala, ikusleak pertsonaia nagusi, bigarren mailako edo figurante gisa kokatuko ditu herri, auzo, plaza edo hiri bakoitzean sortuko diren istorio ezberdinetan.

FEMMES fikziozko ikuskizuna da; kointzidentziarekin izan dezakeen antzekotasun oro errealitatea da.

Antzezleak: Alejandro Antunez, Arantza Goikoetxea, Begoña Krego.

Eszena zuzendaria: Gorka Ganso, Txubio Fernandez de Jauregi.

Jantzien diseinua eta sorkuntza: Azegiñe Urigoitia.

Atrezzoa: Iñaki Aguinaga

Diseinu grafikoa: Vudumedia.

Ideia eta Sorkuntza: Hortzmuga Teatroa.

Banaketa: Hortzmuga Teatroa.

[email protected] / +34 697 894 074

[email protected] / +34 639 702 767

Iraupena: 60 min inguru

Diziplina: Clown, kale antzerki ibiltaria.

Publiko mota: Edozein adinetako ikusleak.

Hizkuntza: Testurik gabe.

Ispilu eta komuna dituen kamerino bat.

Ikuskizunak ez du beharrizan tekniko zehatzik eskatzen, ezta muntaketa eta desmuntaketarik ere.

150 metroko ibilbidea gutxi gorabehera, antolatzailearekin adosteko.