FEMMES

FEMMES kale-ikuskizun ibiltaria da, testurik gabea, eta kalean zein espazio publikoetan esku hartzeko pentsatua dago, publikoaren parte-hartze aktiboa bilatuz. Hala, ikusleak pertsonaia nagusi, bigarren mailako edo figurante gisa kokatuko ditu herri, auzo, plaza edo hiri bakoitzean sortuko diren istorio ezberdinetan.

FEMMES fikziozko ikuskizuna da; kointzidentziarekin izan dezakeen antzekotasun oro errealitatea da.

NOLA

NOLA, edo ametsak egi bilakatzen diren leku paregabea.NOLA espreski sortutako espazioa da, egitura bat non fantasia eta errealitatearen mugetatik igaroko garen, soinua, objektuen poesia, eta amets-esperientzia bakoitzarentzako sortutako argiztapena elkartuko direlarik. Ausartzen zara?

libertia

Badago txotxongiloak libre izan daitezkeen mundu bat. Libertia da mundu hori. Liburu zahar batean, laster beteko den profezia bat idatzita dago; kartoi, plastiko, telebista, armairu eta hainbat hondakinen artean utzitako liburu batean. Dori, Arthur eta Otto, baztertutako hiru txotxongilok, profezia burutuko dute. Horretarako, eta idatzita dagoen bezala, mundu osoko lekuetatik etorritako txotxongiloen laguntza izango dute. Hala ere, Libertiarainoko bidaian hainbat erronka eta arrisku aurkituko dituzte.

Ni han izan nintzen eta… ez zuten kontatu nik ikusitakoa kontatu

Konpainiaren bertsio kritiko eta pertsonala da BOTERE, POLITIKA eta KOMUNIKABIDEei buruz. Bertan azaltzen da egia ofizialak nola eraikitzen diren, datuak manipulatuz, interpretazio interesatuak eginez eta kezko hesiak sortuz, boteredunen interesak babesteko…

Albiste baten historia da, nola bihur daitekeen mehatxu tragiko eta arriskutsua.