Alonso Ultra Express bidalketa-zerbitzuko banatzailerik gogotsuena eta kaotikoena da. Enpresa hau bakarra da munduan; edozein pertsonari, edozein gauza inoiz baino azkarrago entregatzea dute helburu, hartzailea aurkitzea ia ezinezkoa izan arren. Bere ametsa Urrezko Mezulari bihurtzea da, banatzaile ausart, eraginkor eta zuhurrenentzat bakarrik erreserbatua. Baina etiketa lausoei, hartzaile ezinezkoei eta bere metodo berritzaile zein zoroei esker, misio bakoitza abentura iragarrezina bilakatuko da.
Alonsok gero eta erronka zentzugabeagoei egin beharko die aurre; hartzaile misteriotsu baten arrastoaren atzetik munduan barrena ibiltzetik, garai ezberdinetan zehar galtzeraino edo erreinu fantastiko batean harrapatuta amaitzeraino. Hori lortzeko eta, baliteke, Zentrala txundituta uzteko, Alonsok Aneren eta publikoaren ezinbesteko laguntza beharko du; azken hau ez baita soilik istorioaren lekuko izango, baizik eta istorioko beste pertsonaia bat.
Umorea, ezustea eta parte-hartzea dira familia osoarentzat sortutako ikuskizun honen ardatz nagusiak. Emanaldi bakoitza abentura berri bat eta ezinezko misio bat izango da.
Egin bat Ultra Express-en misioarekin eta izan zaitez saga ahaztezin honen partaide!